काठमाडौं । सरकारले दसैंमा घरजाने यात्रुलाई मध्य नजर गर्दै ;नागरिक सहायता हेल्प डेस्क’ स्थापाना गरेको छ । दशैमा यात्रु नठगिउन् भनेर राजधानीका विभिन्न स्थानमा यात्रु सेवा कक्ष स्थापना हुने भएका छन् ।
असोज १० गतेदेखि १८ गतेसम्म काठमाडौंका स्वयम्भू, नयाँ बसपार्क, माछापोखरी, कलंकी, नागढुंगा, बल्खु, कोटेश्वर, गौशाखा, चाबहिल, सुन्धारा, पुरानो बसपार्क, फर्पिङ, ललितपुरको सातदोबाटो र भक्तपुरको जगातीमा नागरिक सहायता हेल्प डेस्क राखिने छन् । हेल्प डेस्कमा ट्रफिक प्रहरी, यातायातका कर्मचारी, सामुदायिक प्रहरी र उपभोक्ता हितका सम्बन्धमा कार्य गर्ने संस्थाका प्रतिनिधि रहनेछन्।
यातायात व्यवस्था विभागका महानिर्देशक गोगनबहादुर हमालका अनुसार बढी भाडा लिन नदिने, भीडभाड हुन नदिने, ठगी र दुर्व्यवहारका घटनामा सहायता गर्ने लगायतका काम कक्षले गर्नेछ।
