काठमाडौँ । रसुवाको भोटेकोशी नदीमा आएको विनाशकारी बाढीपछि विभिन्न जिल्लामा फेला परेका शवको संख्या ७६८ पुगेको छ।
नेपाल प्रहरीले आइतबार दिउँसो २ बजेसम्मको विवरण सार्वजनिक गर्दै बाढीमा मृत्यु भएका ७६८ जनाको शव फेला परेको जनाएको हो।
प्रहरीको विवरणअनुसार सबैभन्दा बढी शव चितवनमा भेटिएका छन्। चितवनमा मात्रै २६४ शव फेला परेका छन्।
पूर्वी नवलपरासीमा १९४, पश्चिम नवलपरासीमा १००, गोरखामा ५८, नुवाकोटमा ५२, धादिङमा ५०, तनहुँमा ३७ र रसुवामा १३ शव फेला परेको प्रहरीले जनाएको छ।
बाढीपछि सञ्चालन गरिएको खोज तथा उद्धार अभियानअन्तर्गत हालसम्म २ हजार ७१५ जना घाइते तथा अन्य प्रभावितको उद्धार गरिएको छ।
उद्धार गरिएकामध्ये काठमाडौं उपत्यकाका विभिन्न अस्पतालमा उपचाररत १६० जना घाइते उपचारपछि डिस्चार्ज भई घर फर्किएका छन्।प्रहरीका अनुसार बाढी प्रभावित क्षेत्रमा अझै खोजी तथा उद्धार कार्य जारी रहेको छ।
