काठमाडौं । रसुवाको भोटेकोशी नदीमा आएको बाढीबाट प्रभावित क्षेत्रमा हालसम्म ७३५ जनाको शव फेला परेको छ ।
जिल्ला प्रहरी कार्यालय तथा सम्बन्धित सुरक्षा निकायबाट प्राप्त विवरणअनुसार आइतबार बिहान ११ बजेसम्म बाढीमा परी २५ जना प्रहरी कर्मचारी अझै सम्पर्कविहीन छन् ।
बाढी प्रभावित क्षेत्रमा उद्धार तथा खोजी कार्यका लागि ७ हजार २९३ जना प्रहरी परिचालन गरिएको छ ।
फेला परेका शवमध्ये रसुवामा १३, नुवाकोटमा ५२, धादिङमा ५०, चितवनमा २५९, गोरखामा ५८, तनहुँमा ३७, नवलपरासी (पूर्व) मा १८४ र नवलपरासी (पश्चिम) मा ८२ जना रहेका छन् ।
त्यस्तै, बाढी प्रभावित क्षेत्रमा हालसम्म २ हजार ७१५ जनाकोदखद उद्धार तथा घाइतेको विवरण प्राप्त भएको छ । यसमध्ये रसुवामा ६९२, नुवाकोटमा २ हजार २० र धादिङमा ३ जना रहेका छन् ।
यस्तै, काठमाडौं उपत्यकाका विभिन्न अस्पतालमा उपचाररत तथा उपचारपछि डिस्चार्ज भएका घाइतेको संख्या १६० जना रहेको प्रहरीले जनाएको छ ।
बाढी प्रभावित क्षेत्रमा सुरक्षाकर्मीले खोज, उद्धार तथा राहत कार्यलाई निरन्तरता दिइरहेका छन् ।
