शिशिर राणाको निर्देशन रहेको फिल्म ‘पोइ पर्यो काले’ को शीर्ष गीत सार्वजनिक भएको छ । निर्माण युनिटले राजधानीमा एक कार्यक्रमको आयोजना सहित शीर्ष गीत ‘पोई पर्यो काले’ सार्वजनिक गरेको हो ।
गीतमा अभिनेता सौगात मल्ल, आकाश श्रेष्ठ, अभिनेत्री पूजा शर्मा, श्रृष्टि श्रेष्ठ लगायतको नृत्य देख्न सकिन्छ । शिव ढकालको छायाँकन रहेको गीतमा अर्जुन पोखरेलको संगीत, रामचन्द्र काफ्ले र अन्जु पन्तको स्वर र नृपेश उप्रेतीको शब्द रहेको रहेको छ । कोरियोग्राफी भने रामजी लामिछानेले गरेका हुन् ।
निर्देशक राणाकै लेखन रहेको फिल्म किरण नेपालीको प्रस्तुतिमा राजिव गुरुङ (दिपक मनाङ्गे) र सरोज नेपालीको लगानीमा बनेको हो । अमलादेवी राई फिल्मकी कार्यकारी निर्माता हुन् । फिल्म भने ८ कार्तिकबाट प्रदर्शनमा आउने छ ।
