काठमाडौं । प्रधानमन्त्री वालेन्द्र शाह (बालेन) ले संसद् बैठकमा उपस्थित हुँदा कालो चस्मा अनिवार्य रूपमा लगाउनुपर्ने स्वास्थ्य समस्या रहेको भन्दै मेडिकल रिपोर्टसहितको पत्र संसद् सचिवालयमा बुझाएका छन्।
प्रधानमन्त्रीले कालो चस्मा लगाउनुपर्ने चिकित्सकीय बाध्यता रहेको उल्लेख गरिएको पत्र संसद् सचिवालयमा प्राप्त भएको संसद् सचिवालयले जनाएकाे छ ।
सचिवालयका अनुसार प्रधानमन्त्रीको स्वास्थ्य अवस्थासँग सम्बन्धित मेडिकल रिपोर्टसहितको पत्र मंगलबार बिहान संसद् सचिवालयमा आइपुगेको हो।
यसअघि साउन २० गते बसेको कार्यव्यवस्था परामर्श समितिको बैठकमा सभामुख डीपी अर्यालले संसद् बैठकमा सांसदहरूले कालो चस्मा लगाउने गरेको विषयमा पटक–पटक प्रश्न उठ्ने गरेको भन्दै संसद् बैठकमा कालो चस्मा लगाउन नपाइने बताएका थिए।
सभामुखको उक्त भनाइपछि प्रधानमन्त्री शाहले आफूले रहर वा औपचारिकताका लागि नभई स्वास्थ्य समस्याका कारण कालो चस्मा लगाउनुपर्ने अवस्था रहेको स्पष्ट पार्दै त्यससम्बन्धी चिकित्सकीय प्रमाण संसद् सचिवालयमा पेस गरेका हुन्।
संसद् बैठकमा पोसाक तथा मर्यादासम्बन्धी विषयमा बहस भइरहेका बेला प्रधानमन्त्रीले स्वास्थ्य अवस्थाको कारण देखाउँदै कालो चस्मा लगाउनुपर्ने बाध्यता रहेको जानकारी गराएका हुन्।
