काठमाडौं । आज (सोमबार)देखि काठमाडौंमा बिजुलीबाट चल्ने बस गुड्दै छ । निजी क्षेत्रको सुन्दर यातायातले शुरुमा चारवटा बिजुलीबाट चल्ने बस सञ्चालनमा ल्याउने भएको हो ।
आज दिउँसो भृकुटीमण्डपमा रहेको नेपाल पुलिस क्लबमा उपप्रधान तथा रक्षामन्त्री इश्वर पोखरेलले बिजुली बस शुभारम्भ गर्नेछन् ।यो निजि क्षेत्रबाट पहिलो पटक बिजुली बस गुड्ने भएको हो । योभन्दा अघि बिजुलीबाट चल्ने बस सरकारी स्वामित्वको ट्रली बस थियो ।
सुन्दर यातातातका अनुसार बस ४० सिटे र ३५ सिटे गरी दुई प्रकारको छ । ४० सिटे बसमा ४० जनाले बेसर यात्र गर्न सक्नेछन् भने ३० जनाले उभिए यात्रा गर्न मिल्ने बताइएको छ ।
त्यस्तै ३० सिटे बसमा ३० जनाले बसेर र २५ जनाले उभिएर यात्रा गर्न सक्ने सुन्दर यातातातले जनाएको छ ।
कम्पनीले विद्युतीय बसलाई ४० मिनेटमा चार्ज गर्न सकिने बताएको छ । बसमा यात्रुको चाप नहुने भागमा आरक्षण सिट राखिएको छ । बसमा सीसी क्यामेराको, जीपीएस ट्रयाकिङ, एयरकण्डिसनको सुविधा पनि छ, यसले यात्रुमैत्री बनाउने सुन्दर यातायातले जनाएको छ ।
यस्तो छ रुट
सुन्दर यातायातका विद्युतीय बस पहिलो चरणमा ५ रुटमा गुड्ने छन् । पहिलो रुटमा बसहरुले चक्रपथ परिक्रमा गर्नेछन् । दोस्रो रुटमा नारायणथान, जावलाखेल–मेडिसिटी अस्पताल पुग्नेछन् ।
तेस्रो रुटमा गोगंवु–सामाखुसी–गौशला–कोटेश्वर हुँदै सल्लाघारीसम्म पुग्नेछन् । चौथो रुट अन्तर्गत ढुंगेअड्डा–कलंकी–त्रीपुरेश्वर–वीर अस्पताल–जमल–कृष्णपाउरोटी–रातोपुल–गौशला–चावहिल–बौद्ध–जोरपाटीस्थित अत्तरखेलसम्म पुग्नेछन् ।
त्यसैगरी अन्तिम रुट सूर्यविनायक–कोटेश्वर–बानेश्वर–वीरअस्पताल र जमल रहेको छ ।
