काठमाडौं । खोटाङमा २५ वर्षीय दिनेश कटवालले ४२ वर्षीय बालाराम कटुवालमाथि खुकुरी प्रहार गरेका छन् । बालाराम कटवाल उनको नातामा काका पर्ने बताईएको छ ।
मादक पदार्थ सेवन गरी घरायसी विवादको कारण दिनेशले बालारामलाई खुकुरी प्रहार गरी घाइते बनाएको प्रहरीले जनाएको छ । घाइते बालारामको जिल्ला अस्पताल खोटाङ दिक्तेलमा उपचार भइरहेको छ ।
मझुवागढी नगरपालिका–५ कटुवाल टोलका २५ वर्षीय दिनेशलाई प्रहरीले मंगलबार राति नै पक्राउ गरेको हो ।