काठमाडौं– अभिनेता विपिन कार्कीको मुख्य अभिनय रहने चलचित्र ‘सेल्फी किंग’को छायाँकन मंगलबारदेखि भक्तपुरमा शुरु भएको छ । ‘सेल्फी किंग’को नामले परिचित एक चर्चित हाँस्य कलाकार (टेलिभिजन) ले कला यात्राको दौरान आफुले पाएको सफलता र व्यक्तिगत जीवन बिचको सन्तुलन मिलाउन गर्ने संघर्षको कथामा आधारित रहेर चलचित्र बन्ने भएको छ ।
दशैं अघि र दशैं पछि गरि २ सेड्युलमा छायाँकन हुने फिल्म सोलुखुम्बु, खुर्कोट, घुर्मी लगायतका रमणिय स्थानहरुमा छायाँकन हुने बताईएको छ । राजेश विसुराल र प्रवल कोइराला चलचित्रका सह निर्माता हुन् ।
विशाल सापकोटाको निर्देशन रहने फिल्ममा विपिनको अलवा लक्ष्मी बर्देवा, भुवन चन्द, अभय बराल, लोकमणि सापकोटा, सविन बाँस्तोला, कमल देवकोटा, राजेश बिसुराललगायतका कलाकारको अभिनय रहने छ भने अभिनेत्री केकी अधिकारी बिशेष भूमिकामा रहने बताईएको हो ।