काठमाडाैँ । नेपाली कम्युनिस्ट पार्टी बागमती प्रदेशको एकता बैठक तथा प्रशिक्षण शुरु भएको छ ।
मंगलवार पार्टीका संयोजक पुष्पकमल दाहाल, सह–संयोजक माधवकुमार नेपाल लगायतका नेताहरुको विशेष उपस्थितिमा वाग्मती प्रदेश कमिटिको वैठक तथा प्रशिक्षण काठमाडौमा शुरु भएको हो । प्रशिक्षण अगाडी पार्टी संयोजक दाहालले वागमती प्रदेश कमिटिका सदस्यहरुलाई सपथ ग्रहण गराउनुभएको थियो । नेकपा माओवादी केन्द्र र एकिकृत समाजवादी पार्टी मिलेर बनेको नेपाली कम्युनिष्ट पार्टीमा दुवै पक्षबाट समायोजन गरि प्रदेश कमिटि बनाईएको हो ।
एकतापछि बनेको कमिटिका सदस्यहरुलाई पार्टी संयोजक दाहालले सपथ ग्रहण गराउनुभएको हो । शपथ ग्रहणका क्रममा उहाँले सबै प्रदेशमा पार्टीले एकता बैठक तथा प्रशिक्षणको आयोजना गरिएको जानकारी दिनुभयो । उहाँकाअनुसार सातै प्रदेशका प्रदेश कमिटि सदस्यहरुलाई सपथ ग्रहण गराउने कार्यक्रम सकिएको छ ।
काठमाडौंको कमलादीस्थित नेपाल प्रज्ञा–प्रतिष्ठानको सभा हलमा जारी प्रशिक्षण कार्यक्रममा वागमती प्रदेश समितिका नेता तथा कार्यकर्ताको सहभागिता रहेको छ । बैठक तथा प्रशिक्षणमा पार्टीको संगठनात्मक एकता, आगामी राजनीतिक कार्यदिशा तथा प्रदेशस्तरीय गतिविधिबारे छलफल हुने जनाईएको छ । प्रदेश कमिटिमा एकताको कार्यक्रम सकिएपनि अन्य विभिन्न कमिटिमा एकताको काम बाँकी रहेको जनाईएको छ ।
