रोल्पा । रोल्पाको सुनछहरी गाउँपालिका–२ फलबाङमा पहिरोले घर पुरिँदा तीन जनाको मृत्यु भएको छ।
शुक्रबार बिहान ८ः१० बजे स्थानीय वीरु घर्ती मगरको घर पहिरोले पुरिँदा तीन जना बेपत्ता भएका थिए। घटनापछि स्थानीय तथा सुरक्षाकर्मीले खोजी कार्य थालेका थिए।
खोजीका क्रममा बिहान ११ः३० बजे तीनै जनाको शव फेला परेको प्रहरीले जनाएको छ।
मृत्यु हुनेमा सुनछहरी गाउँपालिका–२ का ७७ वर्षीय वीरु घर्ती मगर, ६८ वर्षीया सनी घर्ती मगर र ७० वर्षीया लली घर्ती मगर रहेका छन्।
पहिरोमा परी घर पूर्ण रूपमा क्षतिग्रस्त भएको छ। घटनाबारे थप विवरण आउन बाँकी रहेको छ।
