पर्सा। जिल्ला प्रहरी कार्यालयले छ जना प्रतिवादी पक्राउ गरेको छ ।
पर्सा जिल्ला अदालतमा रहेको फैसला कार्यान्वयनको लगतबमोजिम विभिन्न मुद्दाका फरार प्रतिवादीलाई जिल्ला प्रहरी कार्यालयबाट खटिएको प्रहरी टोलीले आज पक्राउ गरी अदालतमा दाखिला गराएको जिल्ला प्रहरी कार्यालयका प्रहरी नायब उपरीक्षक एवं प्रवक्ता चक्रबहादुर मल्लले जानकारी दिनुभयो ।
अदालतले छ जनामध्ये अपहरण शरीर बन्धक तथा जबर्जस्ती करणी मुद्दामा एक जनालाई एक वर्ष कैद र रु एक लाख जरिवाना तोकेको थियो । त्यसैगरी पाँच जनालाई २५० जरिवाना तोकेको थियो । रासस
