काठमाडौँ । सङ्घीय संसद् सचिवालयले प्रतिनिधि सभाको साउन १५ देखि भदौ १५ गतेसम्मको सम्भावित कार्यतालिका सार्वजनिक गरेको छ। सार्वजनिक तालिकाअनुसार आगामी एक महिनामा प्रतिनिधि सभाको बैठक १० दिन बस्नेछ।
कार्यतालिकाअनुसार साउनमा २२, २४, २५ र २६ गते गरी चार दिन प्रतिनिधि सभाको बैठक हुनेछ। यस्तै, भदौ १, २, ३, ८, ९ र १० गते गरी पहिलो १५ दिनभित्र थप छ दिन बैठक सञ्चालन गर्ने तयारी गरिएको छ।
संसद् सचिवालयका अनुसार यस अवधिमा विधेयकहरू पारित गर्ने, विभिन्न कानुनी प्रस्तावमाथि छलफल गर्ने तथा महत्त्वपूर्ण अन्तर्राष्ट्रिय सम्झौताहरूलाई अघि बढाउने विषयलाई प्राथमिकतामा राखिएको छ।
यसैबीच, साउन २४ तथा भदौ ४, ५, ६ र ७ गते संसदीय समितिका बैठक सञ्चालन हुने भएकाले ती दिन प्रतिनिधि सभाको पूर्ण बैठक नबस्ने कार्यतालिकामा उल्लेख गरिएको छ।
संसद् सचिवालयले संसदीय गतिविधिलाई थप व्यवस्थित, प्रभावकारी र पूर्वानुमानयोग्य बनाउने उद्देश्यले यस्तो कार्यतालिका सार्वजनिक गरिएको जनाएको छ।
