काठमाडौं । सरकारले लगानी बोर्डको प्रमुख कार्यकारी अधिकृत (सीईओ) मा याङ्की उक्यालाई नियुक्त गरेको छ।
बुधबार बसेको मन्त्रिपरिषद् बैठकले उक्यालाई लगानी बोर्डको प्रमुख कार्यकारी अधिकृत नियुक्त गर्ने निर्णय गरेको हो।
सरकारका प्रवक्ता तथा सञ्चार तथा सूचना प्रविधिमन्त्री सस्मित पोखरेलले प्रधानमन्त्री तथा मन्त्रिपरिषद्को कार्यालयको प्रस्तावमा उक्यालाई लगानी बोर्डको प्रमुख कार्यकारी अधिकृत नियुक्त गरिएको जानकारी दिनुभयो।
लगानी बोर्ड नेपालको प्रमुख कार्यकारी अधिकृतका रूपमा उक्याले स्वदेशी तथा विदेशी लगानी प्रवर्द्धन, ठूला लगानी परियोजनाको सहजीकरण तथा लगानीसम्बन्धी नीतिगत कार्यान्वयनमा नेतृत्वदायी भूमिका निर्वाह गर्नेछन्।
