काठमाडौं । विवेकशील नेपाली दलको अध्यक्ष उज्ज्वल थापाले पुनः अध्यक्षमा उम्मेदवारी नदिने घोषणा गरेसंगै अध्यक्षमा नयाँ नेतृत्वको सम्भावित उम्मेदवारबारे चर्चा सुरु भएको छ ।
पविवेकशिल नेपाली दलमा अध्यक्ष थापाले अध्यक्ष नहुने घोषणा गरेपछि पार्टीमा सबभन्दा बलियो दाबेदारका रुपमा रञ्जु दर्शना देखिएपनि उनले भने आफू छलफलमा रहेको भन्दै अहिले नै उम्मेदवारी दिने नदिने टुंगो लागिनसकेको बताइन् ।
यस्तै वर्तमान महासचिव गोविन्द नारायणका साथै मिलन पाण्डेलाई पनि सम्भावित उम्मेदवारको रुपमा हेरिएको छ ।
नेताहरुका अनुसार नो भोटको व्यवस्था भएकाले एक जना मात्र उम्मेदवार भएपछि चुनाव हुनेछ । राष्ट्रिय सम्मेलनमा एक हजार बढी मतदान हुने विवेकशील नेपाली दलले जनाएको छ ।
विवेकशील नेपाली दलको राष्ट्रिय सम्मेलन आगामी कात्तिक १ र २ गते हुँदैछ ।
