काठमाडौं । काठमाडौं उपत्यकाका सडक तथा सार्वजनिक स्थानमा अव्यवस्थित रूपमा झुण्डिएका तार व्यवस्थापनका लागि भइरहेको प्रगतिबारे सूचना तथा सञ्चारमन्त्री डा. विक्रम तिमिल्सिना र ऊर्जा, जलस्रोत तथा सिँचाइमन्त्री विराजभक्त श्रेष्ठले संयुक्त अनुगमन गर्नुहुने भएको छ ।
संयुक्त अनुगमन कार्यक्रम सोमबार अपराह्न ४ः२० बजे तय गरिएको छ । अनुगमन टोलीले गौशाला, पुरानो बानेश्वर, तारा हल, विमानस्थल हुँदै जडीबुटीसम्मको क्षेत्रमा झुण्डिएका तथा अव्यवस्थित तार व्यवस्थापनको अवस्थाबारे स्थलगत निरीक्षण गर्नेछ ।
तार व्यवस्थापनको प्रगति, बाँकी काम तथा सम्बन्धित निकायबीचको समन्वयका विषयमा अनुगमनका क्रममा जानकारी लिइने जनाइएको छ ।
