काठमाडौं । नेपालका लागि चिनियाँ राजदूत होउ यानकीले चीन कुनै पनि विचारधारा निर्यात गर्ने मूडमा अहिले नरहेको खुलाएकी छिन् । उनले सामाजिक संजाल ट्विटरमार्फत एक स्टाटस लेख्दै हिजो (बिहिवार) यो कुरालाई सार्वजनिक गरेकी हुन् । उनले थप्दै भने, चिनियाँ राष्ट्रपति सि जिनपिङको विचारधारा अन्तर्राष्ट्रियकरण भैसकेको छ ।
यता नेपाल कम्युनिस्ट पार्टी (नेकपा) र चिनियाँ कम्युनिस्ट पार्टीबीच हालै समझदारीपत्रमा हस्ताक्षर भएको छ। नागपोखरीस्थित मेरियट होटलमा आयोजित एक कार्यक्रममा नेकपाका अध्यक्षद्वय केपी शर्मा ओली र पुष्पकमल दाहाल ‘प्रचण्ड’को उपस्थितिमा विदेश विभाग प्रमुख माधवकुमार नेपाल र चिनियाँ कम्युनिस्ट पार्टीका विदेश विभाग प्रमुख सङ ताओले असोज ७ गते (गएको मंगलबार) मात्र हस्ताक्षर गरेका हुन्।
हस्ताक्षरपछि नेकपा र चिनियाँ कम्युनिस्ट पार्टीबीच औपचारिक सम्बन्धको सुरुवात भएको मानिएको छ। तर नेपाली काङ्ग्रेसका प्रमुख सचेतक एवं केन्द्रीय सदस्य बालकृष्ण खांँणले भने चीनको जस्तो सत्ता नेपालमा स्वीकार्य नहुने पनि बताई सकेका छन् ।
