काठमाडौँ । प्रतिनिधि सभाका सभामुख डोलकुमार अर्यालले नेकपा एमालेका सांसद राजेन्द्र राई ले बुधबारको प्रतिनिधि सभा बैठकमा प्रयोग गरेको अभिव्यक्तिलाई संसद्को रेकर्डबाट हटाउन निर्देशन दिएका छन्।
प्रतिनिधि सभा बैठकका क्रममा सांसद राईले सभामुखलाई लक्षित गर्दै ‘सभामुखज्यू, तपाईँ कान सुन्नुहुन्छ कि हुँदैन?’ भन्ने अभिव्यक्ति दिएका थिए। उक्त भनाइलाई लिएर सत्ता पक्ष र प्रतिपक्षका सांसदबीच तीव्र विवाद भएपछि बैठक करिब १५ मिनेटका लागि स्थगित गरिएको थियो।
स्थगित बैठक पुनः सञ्चालन भएपछि सभामुख अर्यालले उक्त अभिव्यक्तिलाई असंसदीय ठहर गर्दै संसद्को आधिकारिक अभिलेखबाट हटाउन सचिवालयलाई निर्देशन दिएका हुन्।
