काठमाडौं । उपत्यकाका सडकपेटीमा आश्रित दृष्टिविहीन नागरिकहरूले विभिन्न मागहरू राख्दै विगत ९ दिनदेखि माइतीघर मण्डलामा लगातार प्रदर्शन गरिरहेका छन्।
उनिहरुले तीन बुँदे माग राख्दै प्रदर्शन गरेका हुन् । उनिहरुले दृष्टिविहीन नागरिकहरूलाई सडकपेटीमा मर्यादित रूपमा काम गरेर जीविकोपार्जन गर्न पाउनु पर्ने , योग्यता र क्षमता अनुसार राज्यले रोजगारीको ग्यारेन्टी गर्नुपर्ने र राज्यले रोजगारी उपलब्ध गराउन नसके वैकल्पिक व्यवस्था स्वरूप प्रतिमहिना २० हजार रुपैयाँ बेरोजगार भत्ता उपलब्ध गराउनु पर्ने माग गरेका छन् ।
उहिनरुले काठमाडौं महानगरपालिकाले सडकपेटी, मठमन्दिर तथा सार्वजनिक चोकहरूमा जीवनयापनका लागि ससाना व्यवसाय वा काम गर्न रोक लगाएपछि आन्दोलनमा उत्रिनु परेको उनिहरुले जनाएका छन् ।
महानगरको यो कदमले आफूहरूको रोजीरोटी खोसिएको र जीवनयापनमा गम्भीर संकट पैदा भएको उनीहरूको गुनासो छ।
अनुप प्रधान/ न्युज एजेन्सी नेपाल
