काठमाडौं । उपराष्ट्रपति रामसहायप्रसाद यादव रुसको राष्ट्रिय दिवसका अवसरमा बुधबार साँझ आयोजित स्वागत समारोहमा सहभागी हुनु भएको छ ।
नेपालका लागि रुसी महासङ्घका राजदूत एलेक्सी ए। नोभीकोभले आयोजना गरेको उक्त समारोहमा प्रधानसेनापति अशोकराज सिग्देल, यहाँस्थित कूटनीतिक नियोगका प्रमुख र पदाधिकारी, पूर्वमन्त्री, नेपाल सरकारका वरिष्ठ अधिकारी र सञ्चारकर्मीको उपस्थिति थियो।
कार्यक्रममा राजदूत नोभीकोभ द्विपक्षीय सम्बन्धहरूका विषयमा, रुस र नेपॉलबीच यस वर्ष विशेष महत्व राख्ने बताउनु भयो । उहाँले भन्नुभयो आगामी जुलाई २० मा ७० औं वार्षिकोत्सव मनाउनेछौं यो केवल राजनयिक सम्बन्धहरूको नभई सद्भाव, पारस्परिक सम्मान र जनस्तरका सम्पर्कमा आधारित परम्परागत र समयपरीक्षित मित्रताको वर्ष हो । उहाँले नेपालको सार्वभौम कूटनीति, असंलग्नता र पञ्चशीलका सिद्धान्तमा आधारित, रुसले सधैं मूल्याङ्कन गरेको स्मरण गर्नुभयो ।
उहाँले पारस्परिक साझेदारीका सम्भावनाहरूप्रति आशावादी रहेको उल्लेख गर्दे विशेषगरी जलविद्युत, सूचना प्रविधि, कृषि‑उद्योग, औषधि र जैवप्रविधि, यातायात पूर्वाधार (रेलवेसमेत), पर्यटन र मानवीय सम्पर्कहरूमा आर्थिक सहयोग यस साझेदारीको मूलाधार सहकार्य हुन सक्ने बताउनु भयो ।
उक्त अवसरमा रुसी गायिका अन्ना गोस्टाले विविध सांस्कृतिक कार्यक्रम प्रस्तुत गर्नुभएको थियो ।
