काठमाडौं । नेकपा एमालेका उपाध्यक्ष एवं पूर्वअर्थमन्त्री विष्णु पौडेल पक्राउ परेका छन् ।
सम्पत्ति शुद्धीकरणसम्बन्धी मुद्दाको अनुसन्धानका सिलसिलामा उनलाई नियन्त्रणमा लिइएको स्रोतले जनाएको छ । पार्टीको चुनावी समीक्षा एवं पुनर्गठन कार्यदलको सुझाव संकलनका लागि प्रदेशस्तरीय कार्यक्रममा सहभागी हुन पौडेल सुर्खेत पुगेका बेला त्यहीँबाट पक्राउ परेका हुन् ।
पौडेल पक्राउ परेलगत्तै सम्पत्ति शुद्धीकरण विभागको टोलीले उनको ललितपुरको भैसेपाटीस्थित निवासमा समेत छापा मारेको छ ।
