काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले देश रास्वपाको नेतृत्वमा सुरक्षित रहेको दाबी गरेका छन्।
चितवनमा सुरु भएको रास्वपाको पहिलो महाधिवेशनको उद्घाटन सत्रलाई सम्बोधन गर्दै उनले अन्य दलका नेताहरूप्रति लक्षित गर्दै यस्तो टिप्पणी गरेका हुन्।
“देश रास्वपाको हातमा छ, देश सुरक्षित छ,” लामिछानेले भने, “बदलिएको परिस्थितिले हामीलाई सबैभन्दा शक्तिशाली पार्टी बनाएको छ।”
उनले शक्तिशाली हुनुको अर्थ दम्भ वा प्रतिशोध नभएको स्पष्ट गर्दै रास्वपा नागरिकप्रति जिम्मेवार भएर अघि बढ्ने बताएका थिए। साथै उनले लोकतन्त्रका स्थायी मान्यता, संविधान र मानवअधिकारको संरक्षण गर्न आफ्नो पार्टी प्रतिबद्ध रहेको उल्लेख गरे।
लामिछानेले अन्य राजनीतिक दलका नेताहरूलाई पनि ढुक्क भएर अघि बढ्न आग्रह गरेका थिए।
