जनकपुरधाम । नेपाल कम्युनिस्ट पार्टी (नेकपा) नेता रामचन्द्र झाले भौतिक पुर्वाधार तथा यातायातमन्त्री रघुबीर महासेठ छिट्टै जेल जाने ठोकुवा गरेका छन्। धनुषाको महेन्द्रनगरमा मंगलबार आयोजित शुभकामना आदानप्रदान कार्यक्रममा बोन्दै नेता झाले सो कुरा बताएका हुन्।
नेता झाले भने, ‘सम्पत्ति शुद्धिकरणमा मन्त्री महासेठले गरेको भ्रष्टाचारको जालोको पर्दाफास हुन्छ, ठुलाबडा समेत जेलमा रहेकाले महासेठ जादैनन् भनेर दम्भ देखाउनु गलत हो, छिट्टै उनी जेल जीवन बिताउन तयार भए हुन्छ।’
भ्रष्ट्राचारको कसुरमा महासेठ जेल जाने ठोकुवा गर्दै उनले महासेठका कारण नै नेकपा सरकार बदनाम भएको बताए ।
नेकपा नेता झाले अहिलेको सरकारले राम्रो काम गरेपनि मन्त्री महासेठले विकास निर्माणको काममा राम्रो नगरेको दाबी नेता झाको छ। झाका अनुसार मन्त्रालय अन्तर्गत निर्माण भएका संरचनाहरु तुरुन्तै भत्किन थालेकाले सरकारको आलोचना हुन थालेको उनले बताए।