काठमाडौँ । विशेष अदालतले सोमबार पूर्वस्वास्थ्य अतिरिक्त सचिव डा। संगीता मिश्रसहित ८ जनालाई सफाइ दिएको छ ।
म्यामोग्राफी मेसिन खरिदमा भएको भ्रष्टाचार मुद्दामा मिश्रसहित ८ जनालाई सफाइ दिएको अदालतले विवेक कुमार लाल, भुवन प्रसाद काफ्ले, दिपक अधिकारी, यादव प्रसाद देवकोटा, शम्भु प्रसाद ढकाल, सीता घिमिरे र तिलकराम ढकालले सफाइ दिएको हो । अदालतले खरिद प्रक्रियामा उनीहरूको प्रत्यक्ष संलग्नता नभएको भन्दै विशेष अदालतले सफाइ दिएका हो ।
डा. मिश्र स्वास्थ्य सेवा विभागको महानिर्देशक रहँदा उक्त खरिद प्रक्रियामा भ्रष्टाचार भएको भन्दै अख्तियार दुरुपयोग अनुसन्धान आयोगले मुद्दा दायर गरेको थियो । तर, अदालतले यस प्रकरणमा उनीहरूको प्रत्यक्ष संलग्नता नदेखिएको भन्दै सफाइ दिने निर्णय गरेको हो ।
विशेष अदालतले सफाइ दिएसँगै डा. मिश्रालाई स्वास्थ्यको अतिरिक्त सचिवमा फर्किने बाटो खुला भएको छ ।
अदालतले स्वास्थ्य सेवा विभागका तत्कालीन व्यवस्थापन महाशाखा प्रमुख सुरेन्द्रप्रसाद चौरासिया, श्रवणकुमार थापा, आशिष चौहान, पद्या मिश्र र संजयकुमार साह लाई दोषी ठहर गरेको छ ।
अदालतले उनीहरूलाई चार महिना कैद र बिगो बराबरको सजाय सुनाइएको छ। अदालतले मेमोग्राफी मेसिन आपूर्ति गर्ने माक्सिम इन्कर्पोरेसन ट्रेडर्स प्राइभेट लिमिटेडका सुन्दर भुसाललाई पनि ४ महिना कैद सजाय ठहर गरेको छ ।
