काठमाडौँ । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीलाई राष्ट्रिय स्वतन्त्र पार्टी (रास्वपा) को सदस्यका रूपमा देखाइएको भ्रामक पोस्टर सामाजिक सञ्जालमा फैलिएको विषय प्रतिनिधिसभा बैठकमा उठेको छ।
बैठकमा नेकपा एमालेकी सांसद यशोदा बरालले सामाजिक सञ्जालमा अध्यक्ष ओलीलाई रास्वपाको सदस्य बनाइएको नक्कली पोस्टर व्यापक रूपमा भाइरल भइरहेको भन्दै आपत्ति जनाइन्।
उनले यस्तो गलत सूचना फैलाएर भ्रम सिर्जना गर्ने कार्यप्रति गम्भीर ध्यान दिन सरकारसँग आग्रह गर्दै दोषीलाई कानुनी दायरामा ल्याएर कारबाही गर्न माग गरिन्।
