काठमाडाैँ । श्रम संस्कृति पार्टीका सांसदहरू वेलबाट हटेर आफ्ना आसनमा फर्किएका छन्।
बुधबार प्रतिनिधिसभाको बैठकमा समय नपाएको भन्दै पार्टीका अध्यक्ष हर्क साम्पाङसहितका सांसदहरूले वेल घेराउ गरेका थिए। उनीहरूले सभामुखसमक्ष बोल्न समय माग गरेका थिए।
सभामुख डीपी अर्यालले समय माग नगरेको कारण देखाउँदै सुरुमा समय दिन अस्वीकार गरेका थिए। तर सांसदहरूको निरन्तर विरोधपछि उनले सिटमा बसेपछि समय दिने बताएका थिए।
त्यसपछि श्रम संस्कृति पार्टीका सांसदहरू आ–आफ्नो सिटमा फर्किएका छन्। हाल अध्यक्ष हर्क साम्पाङले सभामा सम्बोधन गरिरहेका छन्।
