काठमाडौँ । सरकारले पूर्वगृहमन्त्री तथा प्रतिनिधिसभा सदस्य सुदन गुरुङसँग सम्बन्धित विषयमा अध्ययन तथा छानबिन गर्न गठित समितिले पेस गरेको प्रतिवेदन स्वीकार गर्ने निर्णय गरेको छ ।
मंगलबार बसेको मन्त्रिपरिषद् बैठकले सो प्रतिवेदन ग्रहण गर्ने निर्णय गरेको हो ।
यसअघि सम्बन्धित विवादपछि तत्कालीन गृहमन्त्री पदबाट राजीनामा दिएका गुरुङका बारेमा छानबिन गर्न सरकारद्वारा समिति गठन गरिएको थियो । उक्त समितिले अध्ययन पूरा गरी प्रतिवेदन तयार पारेको थियो, जसलाई मन्त्रिपरिषद्ले औपचारिक रूपमा स्वीकार गरेको हो ।
