काठमाडौँ । सर्वोच्च अदालतकी वरिष्ठ न्यायाधीश सपना प्रधान मल्ल करिब तीन साताको बिदापछि पुनः अदालत फर्किएकी छन् ।
प्रधानन्यायाधीशमा न्यायाधीश डा. मनोज शर्मा नियुक्त भएपछि बिदामा बसेकी मल्ल सोमबारदेखि नियमित जिम्मेवारीमा फर्किएकी हुन् ।
सर्वोच्च अदालतले सोमबारका लागि उनलाई दुईवटा इजलासको जिम्मेवारी तोकेको छ । उनी सुरुमा एकल इजलासमा बसेर मुद्दाको सुनुवाइ गर्नेछिन् भने त्यसपछि न्यायाधीश मेघराज पोखरेलसँग संयुक्त इजलासमा सहभागी हुने कार्यक्रम रहेको छ ।
उनको अदालत फर्काइसँगै सर्वोच्चमा नियमित सुनुवाइ प्रक्रियाले थप गति लिने अपेक्षा गरिएको छ ।
