काठमाडौँ । प्रतिनिधि सभाको बैठक सुरु हुनासाथ विपक्षी दलहरूले अवरोध गरेका छन् । सभामुख डोलप्रसाद अर्यालले बैठक सञ्चालन सुरु गर्ने वित्तिकै विपक्षी दलका सांसदहरूले उठेर विरोध जनाउँदै बैठक अवरुद्ध गरेका हुन् ।
बैठकमा नेपाली कांग्रेस, नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीका सांसदहरूले संयुक्त रूपमा विरोध जनाएका थिए । उनीहरूले प्रधानमन्त्री बालेन्द्र शाहले सिमाका विषयमा दिएको अभिव्यक्ति संसद् बैठकको रेकर्डबाट हटाउन माग गरेका छन् ।
विपक्षी दलका सांसदहरूले उक्त अभिव्यक्तिलाई आपत्तिजनक भन्दै त्यसबारे औपचारिक स्पष्टिकरण आवश्यक रहेको पनि बताएका छन् । लगातारको अवरोधपछि बैठक केही समयका लागि अनिश्चित बनेको छ ।
