भारत स्थायी ठेगाना भएको रितेश कुमार मधेसिया र निरज अग्रहरीलाई विदेशी विनिमय अपचलन तथा भन्सार चोरी पैठारी गरी राजस्व चुहावट गरेको अभियोगमा राजस्व अनुसन्धान विभागले रुपन्देही जिल्ला अदालतमा मुद्दा दायर गरिएको छ । मधेसियालाई रु ३३ करोड ३२ लाख विगो कायम गरी मुद्दा दायर गरिएको हो ।
मुलुकमा जाँदा र आउँदा प्रति व्यक्ति नेपाली रुपैया ५ हजार भन्दा बढी साथमा लैजान वा ल्याउन नपाउने नेपालको कानुन रहेता पनि निजहरुले भारी मात्रामा रकम भएकोे थाहा पाएपछि उनीहरुलाई पक्राउ गरी मुद्दा दायर गरिएको हो । उनीहरुले नेपाली रुपैया १६ करोड ६५ लाख ६९ हजार पाँच सय पैसठी रुपैंया बराबरको भारतबाट ल्याएका थिए ।
उनीहरुले भन्सार छली चोरी पैठारी गरी सो वापत नेपाली रुपैया संकलन गरी विविध प्रकृयाबाट नेपाल आउने विदेशी मुद्रा बराबरको रकम विभिन्न व्यक्तीहरुको खाताहरुमा जम्मा गरी राजस्व चुहावट गरेको पाईएको हो । उनीहरुले प्रयोगमा ल्याएका भारतीय मोटरसाइकलको पनि भन्सार महसुल राजस्व नतिरी बारम्बार नेपाल प्रवेश गरेको पाईएको छ ।
