काठमाडौँ। भारतको पूर्वी राज्य बिहारको सासाराम रेल्वे स्टेशनमा एउटा यात्रुवाहक रेलमा आगलागी भएको छ ।
बिहारको राजधानी पटनाबाट करिव १५७ किलोमिटर पश्चिममा अवस्थित उक्त स्टेशनमा रेलको एउटा डब्बामा अचानक आगो लागेको अधिकारीहरूले जनाएका छन् ।
यस दुर्घटनामा कुनै मानवीय क्षति भने नभएको बताइएको छ । रेलमा अचानक आगो सल्किएपछि प्लेटफर्ममा रहेका यात्रुहरूमाझ केही बेर भागदौड र त्रास फैलिएको थियो ।
प्रारम्भिक अनुसन्धानअनुसार विद्युत सर्टका कारण आगलागी भएको हुनसक्ने अनुमान गरिएको छ । घटनाबारे थप अनुसन्धान जारी रहेको अधिकारीहरूले उल्लेख गरेका छन् । सिन्ह्वा/ न्युज एजेन्सी नेपाल
