बेजिङ। चीनमा लगातार परेको अविरल वर्षाका कारण कम्तीमा ८ जनाको मृत्यु भएको छ ।
दक्षिणी तथा मध्य क्षेत्रका विभिन्न स्थानमा बाढी र पहिरोले ठूलो क्षति पुर्याएको सरकारी सञ्चारमाध्यमहरूले जनाएका छन् ।
हुनान प्रान्तमा आइतबारदेखि मङ्गलबारसम्म परेको भारी वर्षाले ४ जनाको ज्यान गएको छ भने एक जना बेपत्ता भएका छन् । हजारौं मानिस प्रभावित भएका छन् ।
त्यस्तै, गुइझोउ प्रान्तमा बाढी र पहिरोका कारण थप ४ जनाको मृत्यु भएको छ भने ५ जना अझै बेपत्ता छन् । उद्धार टोलीले खोज तथा राहत कार्य जारी राखेको छ ।
स्थानीय प्रशासनले हजारौं नागरिकलाई सुरक्षित स्थानमा सारिएको जनाएको छ । बाढीले घर, सडक तथा पूर्वाधारमा व्यापक क्षति पु¥याएको छ ।
चीन सरकारले राहत तथा उद्धार कार्यका लागि १२ करोड युआन सहायता उपलब्ध गराएको जनाएको छ । (रासस/सिन्ह्वा)
