काठमाडौँ। रोयल च्यालेन्जर्स बेंगलुरु (आरसीबी) ले जारी इन्डियन प्रिमियर लिग (आईपीएल) अन्तर्गत आइतबार भएको आफ्नो पहिलो खेलमा पञ्जाब किंग्सलाई २३ रनले पराजित गरेको छ।
धर्मशालास्थित हिमाचल प्रदेश क्रिकेट एसोसिएसन स्टेडियममा भएको यस प्रतिस्पर्धामा आरसीबीले प्रस्तुत गरेको २२३ रनको विशाल लक्ष्य पछ्याएको पञ्जाब निर्धारित ओभरमा ८ विकेट गुमाउँदै १९९ रनमा समेटियो। यो शानदार जितसँगै बेंगलोर जारी सिजनको प्लेअफमा सुरक्षित रूपमा प्रवेश गरेको छ।
टस हारेर पहिले ब्याटिङ गरेको बेङ्गलोरले वेंकटेश अय्यरको अविजित ७३ रन र विराट कोहलीको ५८ रनको मद्दतले ४ विकेट गुमाएर २२२ रनको विशाल योगफल खडा गरेको थियो।
पञ्जाबका लागि हरप्रीत बराडले दुई तथा अर्शदीप सिंह र युजवेन्द्र चहलले एक–एक विकेट लिए।
जवाफी ब्याटिङमा उत्रिएको पञ्जाबका लागि शशांक सिंहले ५६ रनको अर्धशतकीय इनिङ खेले पनि टोलीले निर्धारित २० ओभरमा ८ विकेट गुमाउँदै १९९ रन मात्र जोड्न सक्यो।
बेङ्गलोरका रासिख सलाम डारले ३ र भुवनेश्वर कुमारले २ विकेट लिएपछि पञ्जाबले लगातार छैटौँ हार बेहोर्नुपर्यो।
आईपीएलको इतिहासमा यी दुई टोलीबीच अहिलेसम्म ३८ पटक भिडन्त भइसकेको छ। जसमा पञ्जाब किंग्सले १८ खेल जितेको छ भने रोयल च्यालेन्जर्स बेंगलोर २० खेलमा विजयी भएको छ। गत सिजनमा फाइनलसहित यी दुईबीच भएका चार भेटमा बेंगलोरले तीन खेलमा बाजी मारेको थियो।
