काठमाडाैँ । कैलालीको चिसापानी पुलभन्दा केही अगाडि पर्ने बर्दिया राष्ट्रिय निकुञ्ज क्षेत्रभित्र काठमाडौंबाट धनगढीतर्फ जाँदै गरेको खप्तड यातायातको बस दुर्घटनामा परेको छ।
आज बिहान भएको उक्त दुर्घटनामा बस अनियन्त्रित भई सडकमा पल्टिएको जनाइएको छ। दुर्घटनापछि बसमा सवार केही यात्रुहरू घाइते भएको प्रारम्भिक जानकारी प्राप्त भएको छ। घाइतेहरूको संख्या र अवस्थाबारे विस्तृत विवरण आउन बाँकी छ।
दुर्घटनापछि बस सडकमा पल्टिएर बाटो अवरुद्ध हुँदा उक्त खण्डमा यातायात पूर्ण रूपमा बन्द भएको छ। यसले गर्दा उक्त मार्ग हुँदै आवतजावत गर्ने सवारीसाधनहरू रोकिएका छन् र यात्रुहरू समस्यामा परेका छन्।
दुर्घटनाको कारणबारे थप अनुसन्धान भइरहेको प्रहरीले जनाएको छ।
