काठमाडौं । सङ्घीय संसद् सचिवालयमा रहेको कर्मचारी युनियनको व्यवस्था खारेज भएको छ ।
सचिवालयले शुक्रबार सूचना जारी गर्दै केही नेपाल ऐनलाई संशोधन गर्ने अध्यादेश, संवत् २०८३ को अध्यादेश नम्बर ७ मार्फत सङ्घीय संसद् सचिवालय सम्बन्धी ऐन, २०६४ को दफा ७३ संशोधन भएपछि कर्मचारी युनियन सम्बन्धी व्यवस्था अब कायम नरहेको जनाएको हो ।
सचिवालयको कर्मचारी प्रशासन शाखाद्वारा जारी सूचनामा ऐन संशोधनसँगै कर्मचारी युनियन सम्बन्धी कानुनी व्यवस्था हटेकाले उक्त युनियन अब अस्तित्वमा नरहेको उल्लेख गरिएको छ ।
