काठमाडौँ। कास्कीको पोखरा महानगरपालिका-१७ डेभिडफल्स नजिक सञ्चालित शिवप्रसाद श्रेष्ठको कपडा पसलमा आगलागी भएको छ ।
पोखरा-७ रत्नचोकका ५८ वर्षीय श्रेष्ठको कपडा पसलमा आगलागी हुँदा लाखौँका सामान जलेर नष्ट भएका छन् । आगलागीबाट भएको क्षतिकोयकिन विवरण भने हाल नखुलेको प्रहरीले जनाएको छ ।
सर्लाहीको गौडैता नगरपालिका-४ मोदियाही टोलका ४० वर्षीय राजु मण्डलको गोठमा आगलागी हुँदा करिब रु एक लाख बराबरको धनमाल जलेर नष्ट भएको छ ।
त्यस्तै भोजपुरको रामप्रसादराई गाउँपालिका-२ कटुन्जेका रत्नकुमार राईको घरमा विद्युत् सर्ट भई आगलागी हुँदा करिब रु चार लाख ३० हजार बराबरको धनमाल जलेर नष्ट भएको छ ।
काभ्रेको बनेपा नगरपालिका-१३ सुन्दबस्तीका ६५ वर्षीया सपनामाया नगरकोटीको घरमा आगलागी हुँदा करिब रु दुई लाख बराबरको धनमाल जलेर नष्ट भएको छ ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ । रासस
