बारा । ६० हजार घुस लिने प्रहरी नायब निरीक्षक पक्राउ परेका छन् । बाराको प्रहरी चौकी गञ्जभवानीपुरमा कार्यरत प्रहरी नायब निरीक्षक जटाशंकरप्रसाद कलवार पक्राउ परेका हुन्।
भारतबाट मालसामान ल्याउन सहज गराई दिने भन्दै सई कलवारले सेवाग्राहीसँग घुस मागेको उजुरीका आधारमा अख्तियार दुरुपयोग अनुसन्धान आयोगले उनलाई पक्राउ गरेको हो।
अनुसन्धानको सिलसिलामा आरोपित कलवारले सेवाग्राहीले खरीद गरेका खाद्यान्न सामानहरु बिक्री वितरण गर्दा दुख हैरानी नदिने तथा सहजता गरिदिने नाममा घुस लिएको पुष्टि भएको आयोगका प्रवक्ता प्रदिपकुमार कोइरालाले मंगलबार विज्ञप्ती निकालेर जानकारी दिए।
कलवारलाई भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (ग) बमोजिम सजाय हुन मागदाबी लिई मंगलबार विशेष अदालत काठमाडौंमा आरोपपत्र दायर गरिएको छ।
