काठमाडौं । नक्कली चेक बनाएर जनता बैंकबाट १९ लाख ९९ हजार रुपैया निकासा भएको छ । प्रहरीका अनुसार जनता बैंकको बानेश्वर शाखामा खाता रहेका गोपालमान राज बाहकको खाताबाट सो रकम निकासा गरिएको हो ।
प्रहरीले घटनामा संलग्न भएको आशंकामा ६ जनालाई पक्राउ गरेको छ। पक्राउ पर्नेमा काभ्रे पाँचखाल घर भई हाल कालिमाटी बस्ने सुभाष श्रेष्ठ, कुमार तामाङ, मनिष घिमिरे, अन्जन बराल बाग्लुङ गलकोटका बुद्धनगर बस्ने सुमन पौडेल र सिन्धुपाल्चोक साविक ज्यामिरे ९ घर भई हाल सुविधानगर बस्ने गोविन्द घिमिरेलाई पक्राउ गरेको छ। प्रहरीले उनिहरुको साथबाट १९ लाख बरामद गरेको हो ।
घटनामा संलग्न भएको आशंका प्रहरीले उनीहरूमाथि थप अनुसन्धान गर्न उच्च अदालत पाटनबाट सात दिनको म्याद थपिएको एसएसपी सुवेदीले जानकारी दिए।
