काठमाडौँ । त्रिभुवन विश्वविद्यालयका उपकुलपतिसहित तीन जना उच्च पदाधिकारीले सामूहिक राजीनामा दिएका छन्।
विश्वविद्यालयका कुलपति समेत रहेका प्रधानमन्त्री बालेन शाहसमक्ष उपकुलपति दीपक अर्याल, रेक्टर खड्ग केसी र रजिस्टार केदारप्रसाद रिजालले बिहीबार राजीनामा बुझाएका हुन्।
उनीहरूले बिहीबार नै लिखित रूपमा राजीनामा पठाएका हुन्। सरकारले विश्वविद्यालयका पदाधिकारीलगायत राजनीतिक नियुक्ति पाएका अधिकारीहरूलाई हटाउने गरी अध्यादेश सिफारिस गरेको सन्दर्भमा पदमा बसिरहन उचित नलागेकाले राजीनामा दिएको जनाइएको छ ।
राजीनामा दिने पदाधिकारीहरू पूर्वप्रधानमन्त्री केपी शर्मा ओली र पुष्पकमल दाहाल नेतृत्वको सरकारको कार्यकालमा नियुक्त भएका थिए।
