काठमाडौँ । चालु आर्थिक वर्ष २०८२/८३ मा नेपालको आर्थिक वृद्धिदर ३.८५ प्रतिशत रहने अनुमान गरिएको छ ।
राष्ट्रिय तथ्याङ्क कार्यालयले सार्वजनिक गरेको वार्षिक राष्ट्रिय लेखा अनुमानअनुसार अर्थतन्त्रमा मध्यम स्तरको विस्तार हुने प्रक्षेपण गरिएको हो ।
कार्यालयका अनुसार विभिन्न आर्थिक गतिविधिमा क्रमिक सुधार देखिए पनि समग्र वृद्धिदर अपेक्षाभन्दा कम रहने संकेत गरिएको छ ।
यसैगरी, चालु आवमा नेपालको अर्थतन्त्रको आकार ६६ खर्ब रुपैयाँ पुग्ने अनुमान गरिएको छ । उत्पादन, सेवा तथा अन्य क्षेत्रमा हुने विस्तारका आधारमा कुल गार्हस्थ्य उत्पादन (जीडीपी) को आकार वृद्धि हुने अपेक्षा गरिएको हो ।
