काठमाडौं । भारतीय दूतावास काठमाडौंले पशुपति क्षेत्र विकास कोषलाइ दुइवटा विद्युतिय सवारी सहयोग गरेको छ । दूतावास अन्तर्गतको भारतीय महिला संघले कोषलाइ तीन पाँग्रे दुइ सवारी साधन हस्तान्तरण गरेको हो । संघकी अध्यक्ष नम्रता पूरीले बुधबार कोषका सदस्यसचिव डाक्टर प्रदिप ढकाललाई पशुपति मन्दिर परिसरमै आठ सिट भएको उच्चतम ‘लिथियम आयन ब्याट्री’ सहितका दुईवटा विद्युतीय सवारी हस्तान्तरण गरेकी छन् । यी वातावरणमैत्री सवारी भारतीय कम्पनी गायाम मोटर वक्र्सले निर्माण गरेको हो ।
यी वातावरणमैत्री सवारी विशेषगरी पशुपति मन्दिर दर्शन गर्न आउने जेष्ठ नागरिक, असक्षम, बालबालिका र महिलाहरुका लागि उपयोगी हुने पूरीले विश्वास व्यक्त गरिन । साथै यी सवारीले दुईजना महिलालाई रोजगारीको अवसर पनि प्रदान गर्नेछ । यो सहयोगले नेपाल भारतबीचको धार्मिक एवम् सांस्कृतिक सम्बन्धको निकटतालाइ दर्शाएको दूतावासको विश्वास रहेको छ ।
भाारतीय दूतावासको संरक्षकत्वमा संचालित भारतीय महिला संघ एक सङ्गठन हो जसले नेपालमा रहेका भारतीय महिलाहरुलाई एउटै मञ्चमा ल्याउने काम गर्दछ । यस संघले भारतीय र नेपाली महिलाबीच अन्तरक्रियाका लागि मञ्च प्रदान गर्नुका साथै दुवै मुलुकका विभिन्न समुदायबीच सद्भाव र मित्रतालाई प्रवद्र्धन गर्ने काम गर्दछ ।
संघले नेपालमा महिला तथा बालबालिकालाई लक्षित गरी विभिन्न परोपकारी क्रियाकलापहरु पनि गर्दै आएको छ । हालै यस संघले काठमाडौंको नव ईन्द्र धनुष अंग्रेजी आवासीय विद्यालय, कोसेली फाउन्डेसन, बाल सारथी, नेपाली स्नेही काख र भक्तपुर क्यान्सर अस्पतालसँग मिलेर परोपकारी कार्यक्रमहरु सन्चालन गरेको छ ।
