काठमाडौं । त्रिभुवन अन्तर्राष्ट्रिय विमानस्थलबाट गएराति दुई जना चिनिया नागरिकसहित ८ किलो सुन बरामद भएको छ । विमानस्थल भन्सार कार्यालयले गएराति सुनसहित ति चिनियाँ नागरिकलाई पक्राउ गरेको हो ।
हङकङबाट नेपाल आएका उनीहरुलाई नियमित जाँचका क्रममा उनीहरु पक्राउ परेको भन्सार कार्यालयले जनाएको छ । पक्राउ पर्नेमा इएच ६५९६६३७ नम्बरको राहदानी बाहक चेन होङयाङ र इए ५८०७५९८ नम्बर राहदानीका चेन क्वीनहाङ छन् । उनीहरु नेपाल एयरलाइन्सको विमानमा काठमाडौं आएका थिए ।
