इङलिस प्रिमियर लिग अन्तर्गत गएराति भएको खेलमा म्यानचेस्टर सिटीले बर्न्लीलाई १-० ले पराजित गर्दै लिगको शीर्ष स्थानमा उक्लिएको छ।
यो हारसँगै बर्न्ली भने यो सिजन रेलिगेसनमा परेको छ।
सिटीको जितमा फरवार्ड एर्लिङ हालान्ड नायक बने। उनले खेलको पाँचौँ मिनेटमै गोल गर्दै टोलीलाई अग्रता दिलाए। जेरेमी डोकुको पासमा बल पाएका हालान्डले गोल गरेका थिए ।
आर्सनल र सिटीले समान ३३ खेल खेलेर समान ७० अंक भए पनि सिटीले बढी गोल गरेका कारण आर्सनललाई पछि पार्दै शीर्ष स्थानमा पुगेको हो।
बर्न्लीका गोलकिपर मार्टिन डुब्राभ्काले खेलभर केही उत्कृष्ट बचाउ गरे। उनले रायन चेर्की र निको ओ’राइलीका प्रहार रोकेका थिए । तर बर्नलीले पनि निकै राम्रा मुभ बनाएर सिटीको पोस्टमा प्रहार गरेको थियो ।
१७औँ स्थानको वेस्ट ह्याम युनाइटेडभन्दा बर्न्ली १३ अंकले पछाडि छ। अब ४ खेल मात्र बाँकी छ।
बुधवारको अर्को खेलमा बोर्नमाउथ र लिड्सले २-२ को बराबरी खेलेका छन्।
पछिल्लो अंक तालिका
