गलकोट । गुल्मीको इस्माबाट कुलपूजाका लागि बागलुङको निसिखोला आउँदै गरेको ग१ज ५२१९ नंको जीप दुर्घटना हुँदा १४ जनाको घटनास्थलमै मृत्यु भएको छ । जिल्ला प्रहरी कार्यालय बागलुङका प्रहरी प्रमुख नवराज भट्टका अनुसार बडिगाड गाउँपालिकाको कोप्चे भन्ने स्थानमा जीप दुर्घटना भएको हो ।
जीपमा रहेका मध्ये नौ महिला, चार पुरुष र एक बालकको घटनास्थलमै मृत्यु भएको हो । अन्य तीन जनालाई उद्धार गरी उपचारका लागि बुर्तिवाङ पठाइएको छ । जीप करिब ३ सय मिटर तल खोलामा खसेको हो ।
कुल पुजा गर्न जाने क्रममा सो दुर्घटना भएको बताईएको छ । घाईतेहरुको अवस्था गम्भिर रहेको छ । दुर्घटनाको मुख्य कारण भने अझै खुलेको छैन् ।उद्धार कार्य जारी छ ।
