काठमाडौ । अवैध रूपमा नदिजन्य पदार्थ उत्खनन् तथा ओसार–पसार भइरहेको सूचनाका आधारमा स्याङ्जाको चापाकोट क्षेत्रमा प्रहरीले एक ट्याक्टर नियन्त्रणमा लिएको छ।
इलाका प्रहरी कार्यालय चापाकोटबाट खटिएको प्रहरी टोलीले चापाकोट नगरपालिका–२ स्थित ज्याग्दी खोलाबाट मापदण्ड विपरीत ढुङ्गा उत्खनन् तथा ढुवानी गर्दै गरेको अवस्थामा लु.प्र.०१–००१ त ०५७८ नम्बरको ट्याक्टर फेला पारी नियन्त्रणमा लिएको हो।
प्रहरीले नियन्त्रणमा लिएको ट्याक्टरलाई आवश्यक अनुसन्धान तथा कानुनी कारबाहीका लागि चापाकोट नगरपालिका कार्यालयमा पठाएको जनाएको छ। स्थानीय तहको समन्वयमा थप अनुसन्धान प्रक्रिया अघि बढाइएको प्रहरीले जानकारी दिएको छ।
