रामेछाप । १३ वर्षीया बालिका बलात्कारको आरोपमा नेपाल कम्युनिष्ट पार्टी(नेकपा) का स्थानीय नेता पक्राउ परेका छन् । रामेछाप उमाकुण्ड गाउँपालिका कुभुकास्थलीका ४० वर्षीय संगीत सुनुवार पक्राउ परेका हुन् ।
गएको मंसिर २ गते सुनुवारले गाउँकै १३ वर्षीया बालीकालाई ललाई फकाई बलात्कार गरेको आरोप लागेको छ । बलात्कारपछि नेता सुनुवारले ती बालिकालाई कसैलाई पनि नभन्नु भन्दै फकाएर घर पठाए पछि पुनः सुनुवारले ती बालिकालाई बोलाएर बलात्कार गर्न खोज्दा बालिका उम्केर भाग्न सफल भएपछि रहस्य खुलेको हो ।
बालिकालाई जबर्जस्ती करणी गरेको अभियोग लागेका नेता सुनुवारको स्वास्थ्य परीक्षण गराई रामेछाप जिल्ला अदालतबाट ७ दिनको म्याद थप गरी हिरासतमा राखिएको जिल्ला प्रहरी कार्यालय रामेछापका प्रहरी नायब उपरीक्षक सन्तोषकुमार भट्टराईले जानकारी दिनुभयो ।
उहाँले भन्नुभयो, ‘स्वास्थ्य परीक्षणमा सुनुवारले बलात्कार गरेको रिर्पोट आएकाले उनलाई जबर्जस्ती करणी उद्योगअन्तर्गत मुद्दा दर्ता गरी हिरासतमा राखेर थप अनुसन्धानमा जुटेका छौँ ।’
