इङलिस प्रिमियर लिग अन्तर्गत आज राति भएको खेलमा म्यान्चेस्टर युनाइटेडले चेल्सीलाई १ – ० गोल अन्तरले पराजित गरेको छ । युनाइटेडका लागि एकमात्र गोल माथिस कुन्हाले ४३औ मिनेटमा गरेका थिए ।
चेल्सीको गृह मैदान स्टामफोर्ड ब्रिज रंगशालामा भएको यस खेल अवधिभर चेल्सीले निकै राम्रा मुभ बनाए पनि गोल गर्न चुकेको थियो । खेल अवधिभर ६० प्रतिशतको हाराहारीमा बल आफ्नो नियन्त्रणमा राखेको चेल्सीले युनाइटेडको पोस्टमा २० पटक बढी प्रहार गरे पनि गोल हुन सकेन ।
यो जितसँगै युनाइटेडले तेस्रो स्थानमा रहँदै अर्को सिजनका लागि च्याम्पियन्स लिगको ढोकालाई थप सुदृढ बनाएको छ । युनाइटेडले ३३ खेलबाट ५८ अंक जोडेको छ । च्याम्पियन्स लिगका लागि छनौट हुन संघर्षरत चेल्सी भने ३३ खेलबाट ४८ अंक सहित लिगको छैटौं स्थानमा छ ।
लिगका शीर्ष ५ टिम
१. आर्सनल – ७० अंक
२. म्यान्चेस्टर सिटी – ६४ अंक
३. म्यान्चेस्टर युनाइटेड – ५८ अंक
४. एस्टन भिल्ला – ५५ अंक
५. लिभरपूल – ५२ अंक
आज राति हुने खेलहरु
१. नटिङघम फरेस्ट vs बर्नली
२. ब्रेन्टफोर्ड vs फुलह्याम
३. आर्सनल vs म्यान्चेस्टर सिटी
४. लिभरपुल vs एभर्टन
५. क्रिस्टल प्यालेस vs वेस्ट ह्याम
