भोजपुर । मदिरा सेवन गरी भाईले आफ्नै दाजुको हत्या गरेका छन् । भोजपुरको अरुण गाउँपालिका-६ धाउखानीका १८ वर्षीय डिकबहादुर राईले सामान्य विवाद हुँदा आफ्नै दाजुको हत्या गरेको आरोपमा प्रहरीले पक्राउ गरेको हो।
मंसिर १६ गते मादक पदार्थ सेवन गरी ४० वर्षीय दाजु सुवास राईलाई चिर्पटले टाउकोमा प्रहार गरेको प्रहरीले जनाएको छ। घटनाबारे जानकारी पाएलगत्तै प्रहरी चौकी जरायोटारबाट खटिएको प्रहरी टोलीले घटनामा संग्लग्न राईलाई नियन्त्रणमा लिएको हो।