![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
काठमाडौं। प्रमुख प्रतिपक्षी दल नेपाली कांग्रेसका प्रवक्ता विश्वप्रकाश शर्माले बुढीगण्डकी जलविद्युत परियोजनाको मुआब्जा निर्धारण सम्बन्धमा सरकारको ध्यानाकर्षण गराएको छ । प्रवक्ता शर्माले विज्ञप्ति निकाल्दै प्रभावितहरूलाई व्यवहारिक र वैज्ञानिक ढंगले मुआब्जा निर्धारण नगर्दा विवाद उत्पन्न भएको बताएका हुन ।
प्रवक्ता शर्माले १६ गते सार्वजनिक गरिएको मुआब्जा निर्धारण फिर्ता लिएर स्थानीयसँग पर्याप्त छलफल गरी न्यायोचित मुआब्जा निर्धारण गर्नुपर्ने बताएका छन् ।
![](https://newspolar.com/wp-content/uploads/2019/11/bishwaprakash_sharma_20180530120944-1000x600.jpg)
१२०० मेगावाटको परियोजनालई कांग्रेस नेतृत्वको सरकारले निर्माण कार्य अगाडि बढाए पनि वर्तमान सरकारले झन अन्योलमा पारेको शर्माले आरोप लगाए । ‘वर्तमान सरकार गठन भएपछि यो परियोजनाको भविष्य एक पछि अर्को घटनाका साथ अन्यौलमा पर्दै गएको छ’ शर्माले भने ।
सरकारले स्थानीयलाई विश्वासमा लिनभन्दा झन भड्काउन लागेको प्रवक्ता शर्माले बताए । भने, नागरिकलाई विश्वासमा लिनेतर्फ होइन परियोजनाका लागि नागरिकको समर्थनलाई भड्काउने तर्फ लक्षीत देखिएको छ ।’