पोखरा : पोखरा महानगरपालिका–२२ पुम्दीभुम्दी क्षेत्रमा गुडिरहेको यात्रुवाहक बसमा एक्कासि आगलागी भएको छ।
बागलुङ बसपार्कबाट स्याङ्जाको वालिङतर्फ जाँदै गरेको बस पुम्दीभुम्दी पुगेपछि अचानक आगो लागेको हो। आगलागी सुरु भएलगत्तै चालक र सहचालकले सुझबुझपूर्ण ढंगले बस रोकेर सबै यात्रुहरूलाई तत्काल बाहिर निकालेका थिए।
बसमा सवार करिब ४० जना यात्रु सकुशल रहेको जिल्ला प्रहरी कार्यालय कास्कीका डीएसपी हरिबहादुर बस्नेतले जानकारी दिएका छन्। घटनामा कुनै मानवीय क्षति नभएको प्रहरीले जनाएको छ।
आगलागीको कारण खुल्न नसकेको र यसबारे थप अनुसन्धान भइरहेको प्रहरीले जनाएको छ।
