काठमाडौं । सर्वोच्च अदालतले निजगढ अन्तर्राष्ट्रिय विमानस्थल निर्माणका क्रममा रुख कटानबारे कुनै निर्णय नलिन अन्तरिम आदेश दिएको छ । शुक्रबार न्यायाधीश टंकबहादुर मोक्तानको एकल इजलासले अर्को निर्णय नआएसम्म रुख कटानबारे कुनै पनि निर्णय नलिन आदेश दिएको हो ।
बन विज्ञहरु द्वारिका ढुंगेल, तारा सापकोटा, कृष्णप्रसाद भण्डारी लगायत ९ जनाले १६ मंसीरमा सर्वोच्चमा रीट दर्ता गरेका थिए ।
उक्त रीटको सुनुवाई गर्दै न्यायाधीश मोक्तानको इजलासले यसबारे दुवै पक्षलाई छलफलका लागि बोलाएको छ ।
२९ मंसीरमा दुवै पक्षलाई छलफलका लागि बोलाइएको छ । निजगढ अन्तर्राष्ट्रिय विमानस्थल निर्माणका क्रममा ठूलो संख्यामा रुख कटान हुन लागेको भन्दै सर्वोच्चमा रीट दायर भएको थियो ।